"Милан" "Аталанта" ярим ҳимоячиси Йосип Иличични сотиб олишга тайёр. Бироқ, клублар ҳали ҳам трансфер суммаси борасида келиша олишмаяпти: миланликлар атиги 4 миллион евро тўлашга тайёр. Бергамоликлар эса бу суммага рози эмаслар. Бу ҳақида SportMediaset нашри хабар бермоқда.
33 ёшли словенияликнинг "Аталанта" билан шартномаси 2022 йилнинг ёзида якунига етади.
Шунингдек, битимда шартномани яна бир мавсумга узайтириш имконияти мавжуд.
Аввалроқ, "россонерилар" словениялик билан шахсий шартнома шартлари борасида келишиб олгани ҳақида хабар берилганди.
Ўтган мавсумда Иличич барча турнирларда 38 та ўйинда қатнашди, 7 та гол ва 11 та голли узатмани амалга оширди.
