Мариано Диас - Карло Анчелотти режаларига киритилмаган футболчилардан бири, аммо у Мадридни тарк этишни истамайди. Marca нашрининг хабар беришича, катта эҳтимол билан Марианонинг ҳикояси яна такрорланади - у ўтган йиллардаги каби жамоани тарк этишдан яна бош тортади.
28 ёшли футболчининг мадридликлар билан шартномаси 2023 йилгача тузилган ва ҳар мавсумда 4,5 миллион евро олади. Зинедин Зидан деярли ўйнатмаган ва клуб тезроқ қутулмоқчи бўлган футболчи учун жуда юқори маош.
Ҳужумчи Анчелотти унга ишонмаслигини ва келаси мавсумда жуда кам ўйнаши мумкинлигини билади. Бироқ, Мариано қолишга қатъий қарор қилди.
