Mariano Dias - Karlo Anchelotti rejalariga kiritilmagan futbolchilardan biri, ammo u Madridni tark etishni istamaydi. Marca nashrining xabar berishicha, katta ehtimol bilan Marianoning hikoyasi yana takrorlanadi - u o‘tgan yillardagi kabi jamoani tark etishdan yana bosh tortadi.
28 yoshli futbolchining madridliklar bilan shartnomasi 2023 yilgacha tuzilgan va har mavsumda 4,5 million yevro oladi. Zinedin Zidan deyarli o‘ynatmagan va klub tezroq qutulmoqchi bo‘lgan futbolchi uchun juda yuqori maosh.
Hujumchi Anchelotti unga ishonmasligini va kelasi mavsumda juda kam o‘ynashi mumkinligini biladi. Biroq, Mariano qolishga qat’iy qaror qildi.
