"Вильярреал" президенти Фернандо Роиг Алфонсо "Барселона" ҳимоячиси Самуэль Умтитига қизиқишни рад этди. El Larguero нашри хабарига кўра, клуб раҳбаридан француз футболчисини олмоқчимисиз, деб сўрашганида, у жавобан кулиб қўйган ва "йўқ" деб жавоб берган.
Аввалроқ, каталонияликлар 27 ёшли Умтитини сотмоқчи ёки уни ижарага олмоқчи экани ҳақида хабар берилганди. Бироқ, футболчи Чемпионлар Лигасида иштирок этадиган клубда ўйнамоқчи.
2020/21 йилги мавсумда Умтити "кўк-анорранглилар" либосида 16 ўйинда майдонга тушган. Трансфермаркет портали французнинг қийматини 8 миллион еврога баҳоламоқда.
