Шу кунларда "Севилья" клуби футболчиси Жюль Кунде трансфери борасида тез-тез миш - мишлар тарқалмоқда. Андусияликлар директори Рамон Мончи франциялик ҳимоячининг ҳолати ҳақида гапирди.
"Кўп клублар Кундени сотиб олмоқчилига ҳақида айтишди. Албатта, қизиқиш бор, лекин бизга расмий таклиф тушмаган.
Нима бўлишини билмайман. Агар бизга яхши таклиф тушса, биз сотамиз, чунки бу бизнинг жамоани яхшилашга қаратилган сиёсатимиздир", - деган Мончининг сўзларини келтиради журналист Фабрицио Романо ўзининг твиттердаги саҳифасида.
Жюль Кунде "Севилья" сафида 2019 йилнинг ёзидан бери ўйнайди. Трансфермаркет портали 22 ёшли ҳимоячини 60 миллион еврога баҳоламоқда.
