Италиянинг "Аталанта" ва "Интер" жамоалари ўртасидаги Дуван Сапата борасидаги музокаралар тўхтаб қолди. Бу ҳақда инсайдер Жанлука Ди Марцио хабар бермоқда.

Манбага кўра, "Аталанта" ҳали ҳам Сапата учун муносиб ўринбосар топа олмаган. Шу сабабли, колумбиялик футболчисини бошқа жамоага сотмаслик қарорига келган. Энди "Интер" бошқа ҳужумчиларни сотиб олиш ҳақида ўйлайди.

Эҳтимол, "нерадзуррилар" Санкт -Петербургнинг "Зенит" клубига ўтиши тахмин қилинаётган Андреа Белоттини ўз сафига қўшиш учун курашиб кўради.