Саудия Арабистонининг энг номдор жамоаларидан бир бўлган "Ал-Иттиҳод" жамоаси бугун ўзининг янги бош мураббийи номини эълон қилди.
Испаниялик таниқли мутахасис, "Вильярреал", "Хетафе", "Панатинаикос" жамоаларининг собиқ бош мураббийи Виктор Муньос "Ал-Иттиҳод"га бош мураббий этиб тайинланди.
Саудияликлар Муньосдан ташқари Лоттар Маттеус, Эрик Геретс ҳамда Хасан Шихата каби таниқли мутахассислар билан ҳам музокаралар олиб боришганди. Аммо, якунда улар Муньос номзодида тўхталишган.
Испаниялик мураббийнинг сўнгги иш жойи, ФИФА томонидан лицензияси олиб қўйилган ва можаролар гирдобига тушиб қолган "Ксамакс" клуби бўлган эди.
