Россия терма жамоаси бош мураббийи Валерий Карпин «Ростов»даги фаолияти давомида молиявий муаммолар туфайли баъзи футболчиларни сотишга мажбур бўлгани ҳақида гапирди.

«Бу биргаликдаги қарор эди. «Ростов»даги вазият қандай эканини билардим. Клуб ўйичиларни сотиш орқали банкрот ҳолатидан чиқиб кетди. Футболчилар трансферидан пул ишлаш — ҳар қандай совриндан қиммат туради.

Шомуродовнинг «Рома»га ўтгани эса мен учун ҳар қандай совриндан қимматлироқ. Шомуродов қўнғироқ қилади ва миннатдорчилик билдиради. «Рома»га ўтганидан кейин эса у қўнғироқ қилмади, шунчаки ёзди: «Менга берган ёрдамингиз учун катта раҳмат. Меҳнатларингиз фойда бермоқда. Мен энди тушуниб етдим. Раҳмат сизга».

Бу мен учун энг муҳими, бу ҳар қандай нарсадан устун. Футболчилар сафимизда ўтказган вақт учун мураббийлар штабидан миннатдор», – деди Карпин Нобель Арустамянга берган интервьюсида.