"Боруссия Дортмунд" клуби ҳужумчиси Эрлинг Холанд АПЛга ўтишни орзу қилмоқда. "Sky Sports" канали мухбири сўзларига кўра, 21 ёшли норвегиялик ҳаракатларини АПЛ клублари жиддий кузатмоқда. Холанд шу пайтгача агенти Мино Раёла орқали бир нечта катта клублар билан алоқада бўлган.
Хусусан, "Челси"нинг Холанд учун таклифи рад этилганидан кейин Лукаку харидини амалга оширди. Яна бир гигант, Англия чемпионлари "Ман Сити" ҳам футболчи учун асосий даъвогарлар қаторида тилга олинади.
Эрлинг Холанднинг отаси 2000 йиллар бошида айнан шу клуб шарафини ҳимоя қилар эди. Немис клуби кейинги ёздагина футболчи учун таклифларни кўриб чиқишини билдирган.