"Арсенал" бош мураббийи клуб мухлисларидан мавсумнинг илк учрашувида учралган мағлубият учун узр сўради. "Канонирлар" кеча "Брентфорд"дан 2-0 ҳисобида мағлубиятга учради.
Артета ўйин ҳақида шундай деди: "Аввало меҳмонда бизни қўллаган жамоамиз мухлисларига миннатдорчилик билдиришим зарур. Айтишим керакки, биз нолойиқ эдик. Мен натижа учун кечирим сўрайман. Биз ҳали тузатиладиган жойлар борлигини биламиз. Бизни олдинда иккита катта ўйин кутиб турибди ва уларда яхшироқ ўйнамасак, керакли натижага эриша олмаймиз. Биз нима хоҳлаётганимизни яхши биламиз. Шунга қараб ҳаракат қилишга бел боғлаганмиз".
Эслатиб ўтамиз, тўпчилар иккинчи турни ўз уйида "Челси"га қарши ўтказади.
