"Arsenal" bosh murabbiyi klub muxlislaridan mavsumning ilk uchrashuvida uchralgan mag‘lubiyat uchun uzr so‘radi. "Kanonirlar" kecha "Brentford"dan 2-0 hisobida mag‘lubiyatga uchradi.
Arteta o‘yin haqida shunday dedi: "Avvalo mehmonda bizni qo‘llagan jamoamiz muxlislariga minnatdorchilik bildirishim zarur. Aytishim kerakki, biz noloyiq edik. Men natija uchun kechirim so‘rayman. Biz hali tuzatiladigan joylar borligini bilamiz. Bizni oldinda ikkita katta o‘yin kutib turibdi va ularda yaxshiroq o‘ynamasak, kerakli natijaga erisha olmaymiz. Biz nima xohlayotganimizni yaxshi bilamiz. Shunga qarab harakat qilishga bel bog‘laganmiz".
Eslatib o‘tamiz, to‘pchilar ikkinchi turni o‘z uyida "Chelsi"ga qarshi o‘tkazadi.
