"Интер" клуби лигадаги рақобатчиси "Лацио"дан ҳужумчи Хоакин Корреа трансферини амалга оширмоқчи. Хабарларга кўра, нерадзуррилар ҳужумдаги Ромелу Лукаку ўрнини айнан аргентиналик футболчи билан тўлдириш ниятида. 27 ёшли ҳужумчи борасида музокаралар бошлангани айтилмоқда.
Ўтган мавсумда Корреа ажойиб ўйинлар намойиш этганидан сўнг, бир нечта гигантлар назарига тушган. Аввалроқ "Ювентус" аргентиналик футболчини ўз сафига қўшиб олиши мумкинлиги ҳақида хабар қилинган эди.