"Тоттенхэм" ярим ҳимоячиси Сон Хин Мин агар ўзингизни 10 йилдан кейин ҳам Лондон клубида ўйнашни тасаввур қиласизми, деган саволга жавоб берди.
"Агар мен бу ерда яна 4 йил ўйнасам , ҳа. Лекин, футболда ваъда бериш шарт эмас. Мен
"Тоттенхэм" билан шартномани узайтирдим, чунки ҳеч қаерга кетишни хоҳламадим. Мен "Тоттенхем"да 10 йил ёки ундан кўп вақтни ҳам ўтказа оламан. Аммо, келажакда нима бўлишини ҳеч қачон билмайсиз. Мен ҳар куни ўйинимга нимадур қўшишга ҳаракат қиламан ",- дея Соннинг сўзларини келтиради Sky Sports нашри.
Эслатиб ўтамиз. Премьер-лиганинг биринчи тур учрашувида "Тоттенхэм" ўз майдонида "Манчестер Сити"ни мағлуб этди (1: 0). Ўйиндаги ягона голга айнан кореялик футболчи муаллифлик қилди.
