Тэмми Абрахамнинг бошқа клублар билан боғлиқ миш-мишларига якун ясалди. «Челси» ҳужумчиси якунда Италиянинг «Рома» жамоасини танлаганидан хабарингиз бор.
Машҳур футбол инсайдери Фабрицио Романонинг сўзларига кўра, инглиз ҳужумчиси шартноманинг барча тафсилотларини ҳал қилган, клублар эса футболчининг нархи бўйича келишувга эришган.
«Рома» ушбу трансферга беш миллион евро тўлайди, қолган 35 миллиони эса қисмларга бўлиб тўланади, шунингдек, турли бонуслар ҳам мавжуд. Шуниси эътиборга мойилки, келишувда айнан 80 миллион евро бўлган қайтариб сотиб олиш ҳуқуқи ҳам бор, лекин у фақат 2023 йил июнидан бошлаб кучга киради.
Бундан ташқари, журналистнинг таъкидлашича, Тэмми Рим клубида тиббий кўрикдан муваффақиятли ўтган. Ўтган мавсумда ёш футболчи янги мураббий Томас Тухел қўл остида лондонликларнинг асосий таркибидаги ўрнини йўқотганди.
