Мюнхенгладбахнинг "Боруссия" клуби ярим ҳимоячиси Денис Закария фаолиятини Италияда давом эттириши мумкин, дея хабар беради журналист Николо Скира.
Манбага кўра, "Рома" 24 ёшли швейцарияликни даъво қилмоқда. Аввалроқ, футболчига "Арсенал", "Тоттенхэм" ва "Эвертон" каби клублари қизиқаётгани ҳақида хабар берилганди.
2020/21 йилги мавсумда Закария "Боруссия" таркибида 32 та ўйинда майдонга тушиб, битта гол ва битта голли узатмани амалга оширган. Трансфермаркт портали футболчининг қийматини 30 миллион еврога баҳоламоқда.