Кеча Туркия Суперлигасининг бу йилги мавсумига старт берилди. 1-тур доирасида, Гиресун шаҳридаги Отатурк номли стадионда чемпионат дебютанти «Гиресунспор» мамлакатнинг энг номдор жамоаси – «Галатасарой»ни қабул қилди.
Ўйинда тажрибали меҳмонлар 2:0 ҳисобида зафар қучишди. Лекин ушбу ўйин киритилган голлар эмас, бошқа воқеа билан шов-шув бўлди.
Бахснинг 63-дақиқасида «Галатасарой»нинг бразилиялик ҳимоячиси Маркан ўз жамоадоши, туркиялик ярим ҳимоячи Керем Отатуркўғлу билан тортишиб қолди ва кутилмаганда унинг юзига кетма-кет 2 марта мушт туширди.
Учрашув бош ҳаками воқеадан узоқроқ бўлгани сабабли ВАР га мурожаат қилди ва майдонга қайтиб бразилиялик футболчига қизил карточка кўрсатди. Туркия Суперлигаси регламентига кўра, Маркан 5дан 10 ўйингача дисквалификасия қилиниши мумкин.
