Ўзбекистон олимпия терма жамоаси иштирок этаётган Лондон-2012 олимпиядаси учинчи саралаш босқичи ўз якунига етганидан кейин гуруҳларда иккинчи ўринни қўлга киритган мамлакатлар ўзаро Вьетнамда кураш олиб борадиган бўлишди.
25 март санасида старт оладиган плей-офф ўйинларининг барчаси пойтахт Ханойдаги “Май Дин” стадионида бўлиб ўтади. Дастлаб “А” ва “С” гуруҳи вакиллари майдонга чиқишса, икки кундан кейин “С” гуруҳи жамоаси “В” зона вакилини имтихон қилади. Ва ниҳоят 29 март куни “А” ва “В” гуруҳларида иккинчи бўлган мамлакатлар ўзаро кураш олиб боришади.
Эслатиб ўтамиз, мазкур плей-оффдаги ғолиб мамлакат Африканинг Сенегалига қарши 1та ўйиндан иборат сўнгги плей-оффда ўйнайди. Беллашув 23 апрель куни Англиянинг Ковентри шаҳрида бўлиб ўтади.
