Лондоннинг "Арсенал" клуби яримҳимоячиси Андрей Аршавин Чемпионлар Лигаси 1/8 финали доирасидаги "Милан"га қарши учрашув олдидан айрим мулоҳазалари билан ўртоқлашди.
"Ҳали қуръа ташлаш маросими бўлиб ўтмасдан аввал бизга "Милан" тушишини истаётгандим. Негалигини ўзим ҳам билмайман. Балким айнан мана шундай ўйинлар атрофида доим ажойиб муҳит ҳукм сургани учундир.
Тўғрисини айтсам, анчадан бери "Милан"нинг ўйинларини кўришга муваффақ бўлганим йўқ. Айниқса уларнинг ҳужум чизиғи жуда истеъдодли ижрочилар билан тўлган. Пато, Робиньо ва Иброҳимович каби футболчилар ҳужумларда жуда хавфлидир.
"Арсенал" жуда ҳам эҳтиёткорона ҳаракат қилишига тўғри келади. Итальян жамоаларига қарши ўйнаш ҳар доим қийин. Чунки улар тактик жиҳатдан пухта ўйин намойиш этишади. Бу Италия футболининг ўзига хос хусусиятларидан биридир. Улар эркин ўйнаш учун имкон бермайди, зич ҳаракат қилади, ёпиқ ўйин кўрсатишади ва майдон марказида доимий равишда пресснг уюштиришади", — дейди Андрей "канонир"ларнинг расмий сайтига берган интервьюсида.
