"Шеффилд Юнайтед" клуби бош мураббийи Слависа Ёканович Арон Рамсдейлни "Арсенал"га ўтишни истаганини тан олди. Лондон клуби менежери Микел Артета бутун ёз давомида Рамсдейл учун таклиф беришга тиришган эди.
У Бернд Лено учун кучли рақобат муҳити яратмоқчи бўлган. Аммо Чемпионшип вакили дарвозабони учун 30 миллион фунтдан баланд нарх қўйгани учун "Арсенал" шаштидан қайтган. 23 ёшли Англия терма жамоаси аъзоси ҳақида "тиғчилар" устози шундай дейди:
"Мен Арон билан гаплашганимда у Лондонга ўтишни истаётганини айтган эди. Буни табиий қабул қиламан. Исталган қуйи лига футболчиси АПЛда ўйнашни хоҳлайди. Лекин вазият ўзгарди. Агар "Арсенал" ҳақиқатдан ҳам ушбу трансферни истаганида биз сўраган пулни берар эди. Шахсан ўзим Рамсдейлни 100 миллион фунтга ҳам сотмаган бўлар эдим. Мен уни жамоамизда бўлишини истайман".
