"Реал Мадрид" клуби трансфер ойнасининг охирги кунларига қадар "ПСЖ" юлдузи Килиан Мбаппени сотиб олишга ҳаракат қилади.
Marca нашри журналисти Карлос Карпионинг сўзларига кўра, агар француз ҳужумчиси Мбаппенинг трансфери амалга ошмаса, "қаймоқранглилар" ёзда Дортмунднинг "Боруссия" клуби ҳужумчиси Эрлинг Ҳоландни сотиб олишга ҳаракат қилишади.
Аввалроқ, Мбаппе ёзда "Реал"га ўтишни истаётгани ҳақида хабар берилган эди. Бироқ,
"ПСЖ" президенти Носир Ал-Ҳелайфи жаҳон чемпионини парижликлар сафида қолишдан бошқа иложи йўқлиги ҳақида айтганлиги ҳақида хабар берилган эди.
