Хабарингиз бор, трансфер бозорида «Фиорентина»нинг сербиялик ҳужумчиси Душан Влаҳовичга талаб катта.

21 ёшли футболчига «Атлетико», «Манчестер Сити» ва «Тоттенхем» қизиқиш билдирмоқда. «Бинафшалар» президенти Рокко Комиссо футболчининг кетиши мумкинлиги ҳақида гапирди.

«Мен Душанни кейинги мавсумда сақлаб қолишни истардим, лекин агар бизга 100 миллион евро таклиф тушса, мен бу ҳақда ўйлаб кўраман», дейди жамоа раҳбари.

Влаҳович ўтган мавсум Флоренция жамоасининг етакчи футболчиларидан бири бўлди. Душан А Сериянинг 37 та ўйинида иштирок этиб, 21 та гол ва учта голли узатмани амалга оширди.