Ярим ҳимоячи Педро "Рома"ни тарк этиб, Римнинг бошқа жамоаси "Лацио" сафига бориб қўшилди. Бу ҳақида "бургутлар" ижтимоий тармоқлардаги саҳифаларида хабар бермоқда.
Испаниялик футболчи "Лацио" билан шахсий шартнома шартларини келишиб олди, унга кўра иш ҳақини ҳозирги даромадига нисбатан камайтиришга кетади.
Шунингдек, "бургутлар" "Рома" билан келишиб олишди: ушбу трансфер текинга амалга оширилади, аммо Педронинг ўйинларига қараб бонуслар берилиши мумкин. Бу ўтиш "бўрилар"га иш ҳақини тежаш имконини беради.
Маълум бўлишича, Педро "Лацио" сафида 9-рақам остида тўп тепади.
