Ўзбекистон терма жамоаси ва "Рома" клуби ҳужумчи Элдор Шомуродов Конференция Лигаси саралаш учрашувини "Трабзонспор"га қарши баҳсда (2:1) ғалаба тўпини киритди. Ўйиндан сўнг, футболчи учрашув ҳақидаги фикрлари билан ўртоқлашди.
"Мен бахтлиман, чунки мен урган голим жамоа учун жуда муҳим эди.
Менда Моуриньо билан мулоқотда муаммолар бор, чунки мен италян тилини яхши билмайман, лекин ўйин давомида биз бир-биримизни яхши тушунамиз.
Абраҳам? Мен Абраҳам билан бирга ўйнай оламан деб ўйлайман. Умид қиламанки, у билан тезда тил топишиб кетаман", деди Шомуродов Sky Sport Italia нашрига берган интервьюсида.
Эслатиб ўтамиз, бу ҳужумчимизнинг "Рома"даги биринчи расмий ўйини эди.
