"Бавария" раҳбарияти ярим ҳимоячи Леон Горецка билан ҳамкорликни узайтириш борасида муваффақиятли музокаралар олиб борди. Бу ҳақда Goal нашри хабар бермоқда.
Томонлар 2026 йилнинг ёзигача амал қиладиган шартнома
тўғрисида келишиб олдилар. Келишув яқин кунларда расман эълон қилинади.
26 ёшли футболчининг Германия чемпиони билан амалдаги шартномаси келаси йилнинг июнь ойи охирида тугайди.
Аввалроқ, ОАВ Горецкага "Манчестер Юнайтед", Каталониянинг "Барселона" ва "Реал"
клублари қизиқаётгани ҳақида хабар берганди.
Эслатиб ўтамиз, Леон ўтган мавсум Бундеслигада 24 ўйинда 5 гол урди ва 5 голга узатма берди.
