Лондоннинг "Тоттенхэм" клуби "Болонья" марказий ҳимоячиси Такехиро Томиясуни сотиб олмоқчи.
Calciomercato нашри хабарига кўра, "шпорлар" бош мураббийи Нуну Эшпириту Санту Япония олимпия терма жамоаси шарафини ҳимоя қилган 22 ёшли япониялик футболчи билан шартнома имзолашни учтувор вазифа деб билмоқда.
Манбанинг таъкидлашича, "Болонья" раҳбарияти Томиясуни сотишга тайёр, бироқ италияликлар Такехиро учун "шпорлар"дан 25 миллион евро атрофида сўрамоқда.
Аввалроқ, осиёлиик футболчига А Сериянинг бошқа жамоаси "Аталанта" қизиқиш билдиргани ҳақида хабар берилганди.
