"Милан" вице-президенти Адриано Галлиани Чемпионлар Лигаси 1/8 финалида биринчи учрашувида "Арсенал" устидан қозонилган ғалабадан тўлиқ қониқиш ҳосил қилганини таъкидлади.
Галлианига бу ўйин 2007 йилда мусобақанинг ярим финал босқичида бўлиб ўтган "МЮ"га қарши ўйинни эслатиб юборган. Ўшанда "Милан" англияликлар устидан 3:0 ҳисобида устун келишганди.
"Биз ажойиб ўйин намойиш этдик. Бу ўйин менга 2007 йилда "МЮ"га қарши бўлиб ўтган учрашувимизни эслатиб юборди".
"Менга ўйинда айниқса Мексес намойиш этган ўйин жуда ёқди. У ўз вазифасини тўғри ва тўлақонли бажара олди. Боатенгнинг голи ҳам жуда чиройли чиқди. Умуман, биз бахтиёрмиз!" — дея унинг сўзларидан "Милан" расмий сайти иқтибос келтиради.
