Европа Лигасининг 1/16 финал доирасида Москванинг "Локомотив" жамоаси Испаниянинг "Атлетик" жамоасини қабул қилиб иродали ғалаба эришди.
Учрашувнинг биринчи бўлимида меҳмонлар вакили, Испания футболининг келажаги сифатида баҳоланаётган Икер Муниаин жамоасини олдинга олиб чиққанди. Бироқ иккинчи бўлимда "Локо" ўзига келишни уддалади.
Аввалига "темирйўлчилар" пенальти тепиш имкониятига эга бўлишди. Бу вазиятда меҳмонлар ҳимоячиси Ауртенече Кайседога нисбатан қўполлик ишлатганди. 11 метрлик жарима зарбасини эса Денис Глушаков аниқ амалга ошириб ҳисобни тенглаштирди.
Орадан 10 дақиқа ўтгач, энди Кайседонинг ўзи бильбаоликлар дарвозасини яна бир марта ишғол қилиб жамоаси учун қийин аммо жуда муҳим ғалабани келтирди.
Европа Лигаси. 1/16 финал. Дастлабки учрашув
ЛОКОМОТИВ (Россия) – АТЛЕТИК (Испания) – 2:1 (0:1)
Голлар: Глушаков (61, пенальти), Кайседо (71) – Муниаин (35).
ЛОКОМОТИВ: Гильерме, Шишкин, Беляев, Бурлак, Янбаев, Тарасов, Сапатер, Глушаков (Оздоев, 88), Торбинский (Обинна, 67), Майкон (Сичёв, 90), Кайседо.
АТЛЕТИК: Ирайсос, Ираола, Аморебьета, Ауртенече (Давид Лопес, 78), Хави Мартинес, Итурраспе, Де Маркос, Андер, Сусаета, Муниаин, Льоренте.
Огоҳлантиришлар: Майкон (9), Торбинский (45), Ауртенече (60), Гильерме (90).
