"Арсенал" бош мураббийи 2021-22 йилги мавсумда ишдан кетган биринчи Премьер-лига мураббийи бўлиши мумкин.

Ёзги мавсумлар оралиғида "канонирлар" таркибни кучайтириш учун аллақачон 140 миллион фунт сарфлашган, бу Премьер-лигадаги ҳар қандай жамоа учун рекорд кўрсаткич.

Катта маблағ сарфланганига қарамай, "Арсенал" мавсум бошида иккита марта мағлуб бўлди. Лондон клуби "Брентфорд" ва "Челси"га бир хил 0:2 ҳисобидан мағлуб бўлди.

The Telegraph нашри хабарига кўра, "канонирлар" раҳбарияти Артетага ишонишда давом этмоқда ва ҳозирча мураббийни ишдан бўшатмоқчи эмас. Клуб мутахассисга яна имконият беришга тайёр.

Манбанинг таъкидлашича, вазиятни тўғирлаш учун испаниялик мутахассис Премьер -лигада бешта учрашув ўтказади. Аллақачон шу дам олиш кунларида "канонирлар" "Манчестер Сити"га қарши майдонга тушишади ва шундан сўнг жамоалар терма жамоалар билан боғлиқ танаффусга чиқади.

Танаффусдан қайгач, "Арсенал" "Норвич", "Бёрнли", "Тоттенхэм" ва "Брайтон"га қарши ўйнайди ва бу учрашувлар Артетанинг келажаги учун ҳал қилувчи баҳслар бўлади. Шундай қилиб, 39 ёшли мутахассисга вазиятни тўғирлаш учун октябргача вақт берилади.