"Arsenal" bosh murabbiyi 2021-22 yilgi mavsumda ishdan ketgan birinchi Premyer-liga murabbiyi bo‘lishi mumkin.
Yozgi mavsumlar oralig‘ida "kanonirlar" tarkibni kuchaytirish uchun allaqachon 140 million funt sarflashgan, bu Premyer-ligadagi har qanday jamoa uchun rekord ko‘rsatkich.
Katta mablag‘ sarflanganiga qaramay, "Arsenal" mavsum boshida ikkita marta mag‘lub bo‘ldi. London klubi "Brentford" va "Chelsi"ga bir xil 0:2 hisobidan mag‘lub bo‘ldi.
The Telegraph nashri xabariga ko‘ra, "kanonirlar" rahbariyati Artetaga ishonishda davom etmoqda va hozircha murabbiyni ishdan bo‘shatmoqchi emas. Klub mutaxassisga yana imkoniyat berishga tayyor.
Manbaning ta’kidlashicha, vaziyatni to‘g‘irlash uchun ispaniyalik mutaxassis Premyer -ligada beshta uchrashuv o‘tkazadi. Allaqachon shu dam olish kunlarida "kanonirlar" "Manchester Siti"ga qarshi maydonga tushishadi va shundan so‘ng jamoalar terma jamoalar bilan bog‘liq tanaffusga chiqadi.
Tanaffusdan qaygach, "Arsenal" "Norvich", "Byornli", "Tottenxem" va "Brayton"ga qarshi o‘ynaydi va bu uchrashuvlar Artetaning kelajagi uchun hal qiluvchi bahslar bo‘ladi. Shunday qilib, 39 yoshli mutaxassisga vaziyatni to‘g‘irlash uchun oktyabrgacha vaqt beriladi.
