Каталониянинг «Барселона» клуби дарвозабони Нето фаолиятини Испаниянинг бошқа жамоасида давом эттириши мумкин. Бу ҳақда A Bola нашри хабар бермоқда.

Манбага кўра, «Вильярреал» раҳбарияти 32 ёшли дарвозабон хизматларига қизиқиш билдирмоқда. «Сариқ сув ости кемаси» трансфер нархини пасайтириш учун ўз футболчиларидан бирини битимга қўшишга тайёр.

Нетонинг ўзига келсак, дарвозабон клубини ўзгартиришга тайёр. У кўпроқ ўйин амалиёти хоҳлайди.

Испания чемпионатининг жорий мавсумида бразилиялик кипер асосий дарвозабон Марк-Андре тер Штеген жароҳати туфайли иккита учрашув ўтказди.