«Манчестер Сити» клуби Бразилиянинг «Флуминенсе» жамоасидан сотиб олган Кайкини кузгача ўз сафида кўришни истамоқда. Хабарга кўра, ҳар икки томон 18 ёшли ҳужумчи борасида келишувга эришганида, у январь ойида кўчиши ҳақида айтилган эди.

Аммо инглиз клуби футболчини ҳозироқ чақириб олишни режа қилган. Бразилияликлар Кайкидан ички чемпионат ва Либертадорлар кубогида фойдаланмоқчи эди. «Сити» эса ортиқ вақтни ўтказишни истамаслигини билдирган.

Ёш футболчи жамоаси таркибида 32 та ўйинда майдонга туширилган. Унинг ҳисобида ҳозиргача 3 та гол ва 2 та голли узатма мавжуд.