Туриннинг «Ювентус» клуби ҳужумчиси Криштиану Роналду тез орада «Манчестер Сити» футболчисига айланади. Трансфер суммаси 30 миллион еврога баҳоланмоқда.

«Манчестер Юнайтед» ва Англия терма жамоаси собиқ ҳужумчиси Уэйн Руни ушбу трансфер ҳақидаги фикрлари билан ўртоқлашди.

«Қизиқарли янгилик, лекин бунга ишонмайман. Криштианунинг «Манчестер Юнайтед» да катта мероси бор, шунинг учун уни «шаҳарликлар» футболкасида кўрмаяпман.

Бироқ, бу футбол. Менимча, у «ПСЖ»га боргани маъқул. Шахсан мен ҳеч қачон «Манчестер Сити» ёки «Ливерпул»да ўйнай олмасдим, - деб хабар беради Уэйн.

Роналду ҳозирда Туриннинг «Ювентус» клуби футболчиси. Унинг клуб билан шартномаси яна бир йилга мўлжалланган.