«Манчестер Сити» бу ёзда Габриэль Жезусни сотмоқчи эмас.

Парижликлар Килиан Мбаппе жамоадан кетиши мумкинлиги сабабли янги марказий ҳужумчи қидиришни бошлаган. 

Globo Esporte маълумотларига кўра, парижликлар лагерига ўтишга даъвогарлардан бири Габриэл Жезус бўлган.

Аммо «Манчестер Сити» бразилиялик футболчи учун «ПСЖ»нинг ҳар қандай таклифини рад этди. Ҳаттоки клубга Роналдунинг келиши ҳам унинг ўрнига таъсир ўтказмайди.

Аввалроқ, «шаҳарликлар» Жезусни Роналдуга алмаштириш вариантини ўйламаётганликларини ҳам айтишганди. Ҳозирча бразилиялик иқтидор "шаҳарликлар"нинг ўзига керак.

У Хосеп Гвардиола жамоасида Агуэро кетганидан кейин ягона номинал ҳужумчи ҳисобланади. Ўтган мавсумда Жезус барча турнирлар доирасида 42 та ўйинда 14 та гол урган эди.