Мюнхенгладбахнинг "Боруссия" клуби ҳимоячиси Маттиас Гинтер ёзги трансфер ойнаси ёпилишидан олдин "Бавария"га йўл олиши мумкин.

Sky Sport Deutschland нашри хабарига кўра, Мюнхен клуби ҳимоянинг марказида ҳам, ўнг қанотида ҳам ўйнай оладиган 27 ёшли футболчини сотиб олиш учун музокаралар олиб бормоқда.

Агар яқин кунларда Гинтернинг трансфери борасида келишиб олишнинг иложи бўлмаса, "немис машинаси" бир йилдан кейин уни текинга қўлга киритиши мумкин.

Ўтган мавсумда футболчи 46 та ўйинда 2 та гол урди ва 1 та голли узатмани амалга оширди.
Эслатиб ўтамиз, унинг бозор қиймати 30 миллион еврони ташкил қилади.