«Навбаҳор» навбатдаги қишги ўқув-йиғин машғулотларини Тошкент шаҳрида олиб борилаётганлигидан хабарингиз бор.

Бугун жамоа Бекободнинг «Металлург» жамоасига қарши навбатдаги назорат учрашувини ўтказди. Қизиқарли кечган баҳсда «Навбаҳор» 2:0 ҳисобида ғалаба қозонди. Бу ҳақда клуб расмий маълумот бермоқда.

Учрашувдаги голларга Собир Хамидов (пеналтидан) ҳамда Ғайрат Жўраевлар муаллифлик қилишди. Ёдингизда бўлса бундан бир неча кун аввал ҳам «Навбаҳор» - «Металлург» устидан 4:2 хисобида ғалаба қозонган эди.

Наманганликларнинг Тошкентдаги йиғини 21 февралга қадар давом этади. Ана шундан сўнг футболчиларга икки кунлик таътил берилади ва якуний йиғин Наманганда ўтказилади.