"ПСЖ" футбол клуби ёзда "Боруссия" ҳужумчиси Эрлинг Холандни "Реал"га ўтишга яқин турган Килиан Мбаппе ўрнига сотиб олишга ҳаракат қилади. Бу ҳақда The Telegraph нашри хабар берди.
Газетанинг ёзишича, француз жамоаси вакиллари форварднинг агенти Мино Райола билан боғланиб, у билан трансферлар ойнаси ёпилишидан бир неча кун олдин харидни ташкил қилиш мумкинми ёки йўқлигини билиб олишган. Парижликлар "Реал"дан олган пулларини Мбаппега ўринбосар топиш учун ишлатиши мумкин.
Эслатиб ўтамиз, Эрлинг Ҳоланд 2020 йил январ ойида "Залцбург"дан "Боруссия"га
ўтган эди. Норвегияликнинг "асаларилар" билан шартномаси 2024 йилнинг 30 июнигача амал қилади. 2020/2021 йилги мавсумда форвард "Боруссия" таркибида 40 та ўйинда майдонга тушиб, 40 та гол урди ва 11 та голли узатмани амалга оширди. Трансфермаркт футболчининг бозор нархини 130 миллион еврога баҳоламоқда.
