"Манчестер Юнайтед" "Ювентус" ҳужумчиси Криштиану Роналду учун расмий трансфер таклифини тайёрламоқда.
Тез орада у португалияликнинг агенти Хорхе Мендешга юборилади, дейди инсайдер Фабрицио Романо. "МЮ" музокаралар муваффақиятли якунланишига ишонмоқда.
36 ёшли футболчининг ўзи агентига Манчестерга қайтишга тайёрлигини айтган. Энди
манкунианликлар Роналду билан 2023 йилгача мўлжалланган шартнома борасида музокара олиб бормоқда.
Аввалроқ, "Манчестер Сити" Роналду трансфери бўйича музокаралардан воз кечгани маълум бўлган эди.
Эслатиб ўтамиз, Криштиану 2003 йилдан 2009 йилгача "Юнайтед"да ўйнаган.
