«Барселона» устози Рональд Куман «Хетафе»га қарши кечган учрашувда мухлисларнинг Гризманнга қилган ҳурматсизлиги ҳақида фикр билдирди. У ўйиндан кейин шундай дейди:

«Мураббий сифатида нега мухлислар жамоамиз футболчисидан бирини ҳуштакбозлик билан қарши олганини тушуна олмадим. Бу ёмон ҳолат. Сизга яхши муносабатда бўлишмаса, айниқса меҳнатингизни қадрлашмаса жаҳлингиз чиқади. Гризманн ўйин давомида қийналди. Уни омади келмади, холос. Лекин бу оддий ўйин. Ҳолатнинг ўзи эса яхши эмас эди. Биз у учун яхши имкониятлар ҳозирлай олмадик. Бу нарса ҳамма ҳужумчиларда бўлади».

Клуб ушбу ўйиндаги ғалабаси билан турнир жадвалида 7 очко билан 4 ўринга кўтарилиб олди.