Собиқ «Арсенал» футболчиси Майкл Томас Жек Уилшер жамоага қайтиши керак деб ҳисоблайди. Унинг фикрича ҳозирги клуб яримҳимоясидаги ўйинчилардан Уилшер яхшироқ имкониятларга эга. У бу ҳақда шундай дейди:
«Жек Арсенал таркибида ажойиб ўйинлари билан юқори потенциалга эга эди. У дунёнинг энг яхшиларидан бири бўла оларди. Унинг жароҳатлари асосий таркибдан тушиб қолиши учун катта сабабга айланди. Кейин эса жаҳон футболи даражасига чиқишига тўсқинлик қилди. Бу ҳайратланарли, албатта. Лекин Уилшер ҳозирги жамоа футболчиларидан яхшироқ. У яна ўз клубига қайтиши керак».
Уилшер 2018 йилда Унаи Эмери келиши билан клубни тарк этган эди. Ҳозирда 29 ёшли футболчи эркин агент ҳисобланади.
