«Атлетико» ҳужумчиси Антуан Гризманн «Барселона»ни тарк этгач, клуб мухлислари билан хайрлашди.
«Ҳурматли «Барселона» мухлислари, мен барчангиз билан хайрлашмоқчиман. Меҳрингиз учун раҳмат айтаман.
Мен бу либос учун боримни бердим, бу буюк клубга содиқ эдим. Сизлар билан трибуналарда кўпроқ вақт ўтказишни истардим.
Аммо бу амалга ошмади. Мен катта оиланинг кичик бир аъзоси бўлганимдан фахрланаман», - деб ёзади ҳужумчи ўз саҳифасида.
Эслатиб ўтамиз, Гризманн 2019 йилда «Барселона»га 120 миллион еврога кўчиб ўтган эди. Бир неча кун олдин у ўз собиқ жамоасига қайтди.
