Португалия терма жамоаси ва «Манчестер Юнайтед» ҳужумчиси Криштиану Роналду Ирландияга қарши учрашувда (2:1) ўтказиб юборилган пенальти ҳақида ўз фикрлари билан ўртоқлашди.
«Хатолар ҳам ўйиннинг бир қисми, бу машғулотнинг бир қисми. Баъзида гол урасан, баъзида адашасан.
Лекин мен ўйин охиригача ўзимга ишондим. Гол уришимни ҳис қилиб турдим. Мен гол уриб, ғалаба қозонганимдан жуда хурсандман. Муҳими шу», - дейди Криштиану.
Эслатиб ўтамиз, 12-дақиқада дарвозабон Гэвин Базуну Роналдунинг зарбасини қайтарди. Шундан сўнг, ҳужумчи учрашувда дубл қайд этди ва терма жамоа учун голлар бўйича жаҳон рекордини янгилади.
