Уругвайлик Эдинсон Кавани ёзги трансфер ойнаси ёпилишидан бир неча соат олдин жамоани тарк этиши мумкин эди. Бу ҳақда Calciomercato.com нашри хабар берди.
Ҳужумчига Каталониянинг "Барселона" ва Туриннинг "Ювентус" клублари шартнома таклиф қилган. Аммо, мазкур жамоалар Каванига бир йиллик ижара асосидаги шартнома таклиф қилган. Бироқ, футболчи буни хоҳламаган. Ўтган мавсумда Кавани АПЛнинг 26 ўйинида 10 та гол урди ва 3 та узатмани амалга оширди.
Эслатиб ўтамиз, Эдинсон Кавани ўтган мавсум "Манчестер Юнайтед"да 7-рақамда ҳаракат қилар эди. Англия Премьер-лигаси қоидаларига кўра рақамларни ўзгартиришни тақиқлаб қўйди, аммо Даниэль Жеймс клубни тарк этиб, "Лидс Юнайтед"га ўтди. Натижада 7 рақам бўшатилди. Энди Роналду бу рақамни қабул қилди.