Жорий мавсумда ўз олдига жиддий мақсадларни қўйган «Динамо» жамоаси ҳозирда бу ният йўлида пухта тайёргарлик кўраётганлигидан хабарингиз бор. Бу борада янги мавсумни интизорлик билан кутаётган самарқандлик футбол ишқибозлари ҳам бу йил севимли жамоаларини ҳар йилгидан ҳам ўзгача тарзда қўллаб-қувватлашга бел боғлашган.

Аслида 1999 йилдан расман фаолият бошлаган, бироқ сўнгги йилларда айрим муаммолар туфайли ўз фаолиятини норасмий тарзда олиб борган жамоа фан-клуби, бу йилдан эътиборан яна қайта тикланди.

Стадионимизда мухлислик маданиятини ошириш, самарқандча меҳмонавозлик кўрсатиш ниятида «Динамо» фан-клуби барча самарқандлик футбол ишқибозларини севимли жамоамизнинг энг ашаддий мухлислари қаторида бўлишга таклиф этади. Шу мақсадда жамоамизнинг барча мухлисларини 25 февраль шанба куни соат 14:00 да шаҳримиздаги «Korzinka.uz» супермаркетининг орқа томонида жойлашган Академик лицейнинг йиғилиш залига таклиф этамиз. Йиғилиш давомида фан-клубга доир савол-жавоблар, мухлисларни рўйхатга олиш ва бир қанча мавзуларда мунозаралар ўтказилади.

Қўшимча маълумотларини dinamo@smail.uz электрон почтаси ёки +99890 6575640 рақамлари орқали олишингиз мумкин.

«Динамо» фан клуби.