Ҳозирча АПЛда 3 тур ортда қолди ва "шпорлар" ҳали гол ҳам ўтказмади ва очко ҳам йўқотмади. Ўйлашимча, бу жамоа АПЛда Чемпионлар лигаси йўлланмасини берувчи ўринлар учун кураша олади. Бунинг учун албатта, кучли захира ҳам лозим. Ахир, омадли старт бутун мавсум шундай бўлади дегани эмас. Келинг, Лондон клубининг таркибни кучайтириш учун харид қилган футболчиларига назар соламиз.
Пьерлуджи Голлини
Ампула: дарвозабон
Ёш: 26
Мамлакат: Италия
Собиқ клуби: "Аталанта"
Ўтган мавсумдаги ўйинлар сони: 32
Қуруқ ўйинлар: 12
Ўтказиб юборилган голлар: 32
Трансфер бозоридаги нархи: 17млн евро
Трансфер суммаси: аренда (15млн еврога сотиб олиш шарти билан)
«Аталанта»нинг собиқ дарвозабонидан бошлайлик. У ҳозирда «Тоттенхэм»да ижарада, лекин менимча, «шпорлар» сотиб олиш вариантидан фойдаланади. Сабаби у бу йил 35 ёшга тўлган Уго Льориснинг ўрнини босиши мумкин. Бу мавсумда биз унинг Конференциялар лигаси ва мамлакат кубоги учрашувларида ўйинини кўришимиз мумкин бўлади. Мавсум олдидан «Челси»га қарши ўйинда у ўзини кўрсата олди. Ушбу трансферни яхши дея олишимиз мумкин. Омадсиз бўлган тақдирда ҳам Лондон клуби уни ҳали сотиб олганича йўқ.
Брайан Хиль
Ампула: ҳужумчи
Ёш: 20
Мамлакат: Испания
Собиқ клуби: "Севилья" (Ўтган мавсум "Эйбар"да ижарада тўп тепган)
Ўтган мавсумдаги ўйинлар сони: 30
Ўтган мавсумдаги голлар сони: 4
Ўтган мавсумдаги ассистлар сони: 4
Трансфер бозоридаги нархи: 30млн евро
Трансфер суммаси: 25млн евро + Эрик Ламела
Бу йигит жуда истеъдодли. Ҳа, у яхши дриблингга эга, лекин Премьер -лигада дриблинг энг яхши ўйинчи деб ҳисобланиш учун етарли эмас. Ва жисмонан у анча заиф кўринади. Тўғри, бу энг муҳим мезон эмас, лекин кимдир Ван Дейк билан курашда унга имконият йўқлиги аниқ. Балки у АПЛ муҳитига мослашиб кетар, аммо бу масала сўроқ остида.
Кристиан Ромеро
Ампула: ҳимоячи
Ёш: 23
Мамлакат: Аргентина
Собиқ клуби: "Аталанта"
Ўтган мавсумдаги ўйинлар сони: 42
Ўтган мавсумдаги голлар сони: 3
Ассистов в прошлом сезоне: 4
Трансфер бозоридаги нархи: 35млн евро
Трансфер суммаси: ижара (50млн еврога сотиб олиш шарти билан)
А Cериянинг ўтган мавсумдаги энг яхши ҳимоячиси. «Шпорлар» марказий ҳимоячига жуда муҳтож эди, чунки Даер ва Санчес ҳар доим ҳам бир хил даражада эмас. Паратичи бу позицияга яхши номзод топа олди. Шунингдек, клуб учун ҳам қулай шартнома тузишга муваффақ бўлди. «Тоттенхэм» спорт директори учун ажойиб иш.
Пап Сарр
Ампула: ҳимоячи
Ёш: 18
Мамлакат: Сенегал
Собиқ клуби: "Метц"
Ўтган мавсумдаги ўйинлар сони: 25
Ўтган мавсумдаги голлар сони: 4
Ўтган мавсумдаги ассистлар сони: 0
Трансфер бозоридаги нархи: 10млн евро
Трансфер суммаси: 15млн евро
Статистик маълумотларга кўра, у жуда яхши ўйинчи. Бу мавсумда сенегаллик «Метц»да ўйнайди, кейин у «Тоттенхэм» йўл олади. Катта эҳтимол билан, шундан кейин у яна ижарага бошқа жойга кетади, чунки 19 ёшида Премьер-лига клубининг асосий яримҳимоячисига айланиш қийин иш. Менимча, Франция чемпионатидаги статистикани жиддий натижа сифатида ҳисобга олиш керак эмас, чунки Ндомбеле Лига 1да жуда ажойиб ўйин кўрсатди, лекин «шпорлар» сафига ўтгандан кейин деярли ҳеч нарса кўрсата олмади. Умуман олганда, ўйинчи «келажак учун» олинган ва ҳозирча бу трансфер ҳақида хулоса чиқариш тўғри эмас, чунки биз уни яқин орада Премьер -лигада кўра олмаймиз.
Эмерсон Рояль
Ампула: ҳимоячи
Ёш: 22
Мамлакат: Бразилия
Собиқ клуби: "Барселона"
Ўтган мавсумдаги ўйинлар сони: 39
Ўтган мавсумдаги голлар сони: 2
Ўтган мавсумдаги ассистлар сони: 4
Трансфер бозоридаги нархи: 25млн евро
Трансфер суммаси: 30млн евро
«Шпорлар» раҳбарияти ўнг қанот ҳимоячиларидан умуман ҳафсаласи пир бўлди. Клуб Орье билан шартномани бекор қилди ва Эмерсонни унинг ўрнига қўшиб олди. Бу ерда айтадиган гап йўқ: Эмерсон - кучли ҳимоячи. у ўнг қанот ҳимоячиси позициясини ёпиши керак. Бу Танганга учун марказда ўйнаш имконини беради.
