22 октябр куни Доҳада 2022 йилги жаҳон чемпионати ўйинлари ўтказиладиган "Аль-Тумама" стадионининг очилиш маросими бўлиб ўтади, деб хабар беради ОФК матбуот хизмати.
"Аль-Тумама" ЖЧ -2022 учун тўлиқ тайёрланган олтинчи стадион бўлади. Стадионнинг тантанали очилиши Амирлик Кубоги-2021 финали пайтида бўлиб ўтади.
Унда Қатарнинг амалдаги чемпионлари "Ал-Садд" ва "Ал-Райян" клублари ўйнайди.
"Аль-Тумама" 40 минг томошабинни сиғдира олади ва 2022 йилги жаҳон чемпионатининг гуруҳ босқичи ўйинларини, шунингдек, плей-офф, чорак финал ўйинларини ўтказади. Анъанавий араб бош кийимини эслатувчи стадион дизайни машҳур Қатар меъмори Иброҳим Жайда томонидан ишлаб чиқилган. Аренада шу йилнинг ноябр-декабр ойларида Қатарда бўлиб ўтадиган ФИФА Араб Кубоги ўйинлари ҳам бўлиб ўтади.
