"Реал"нинг янги футболчиси Эдуардо Камавинга "қаймоқранглилар" лагерида биринчи машғулотини ўтказди. 18 ёшли француз футболчиси клубнинг машғулотлар залига ташриф буюрди ва у ерда янги жамоадошлари билан таништирилди.
31 август куни "Реал Мадрид" расмий сайтида "Ренн" ярим ҳимоячиси Эдуардо Камавинга билан шартнома имзоланганини эълон қилди. 18 ёшли футболчининг Мадрид клуби билан
шартномаси 2027 йилнинг 30 июнигача мўлжалланган.
Камавинга "Ренн" битирувчиси ва 2019 йилдан буён биринчи жамоада ўйнайди. Ўтган мавсумда яримҳимоячи Лига 1 мусобақасида 35 та ўйинда майдонга тушиб, битта гол урди ва иккита голли узатмани амалга оширди.