"Дерби Каунти" бош мураббийи Уэйн Руни ҳужумчи Криштиану Роналдунинг "Манчестер Юнайтед"га қайтгани ҳақида гапирди.
"Мен ҳали Роналду билан гаплашганим йўқ. Албатта, "Манчестер Юнайтед"ни кузатиб бораман. Улар ғолиб бўлишларини истайман.
Клуб Криштиану Роналдуни қайтаргани зўр иш бўлди. Унинг менталитети ёш футболчиларники каби. Ажойиб трансфер.
Криштианунинг ўзи ҳам бу ерда унга Испания ёки Италиядаги каби осон бўлмаслигини тушуниб турибди.
АПЛда илк навбатда жисмоний тайёргарликка урғу берилади. У бу борада бироз қийналиши мумкин. Унинг ҳолатини инобатга олсак, кўплаб голлар уришини кутяпман.
Криштиану жамоага катта таъсир ўтказади. У дунёнинг энг яхши футболчиларидан бири", - дейди Руни.
