"Derbi Kaunti" bosh murabbiyi Ueyn Runi hujumchi Krishtianu Ronalduning "Manchester Yunayted"ga qaytgani haqida gapirdi.
"Men hali Ronaldu bilan gaplashganim yo‘q. Albatta, "Manchester Yunayted"ni kuzatib boraman. Ular g‘olib bo‘lishlarini istayman.
Klub Krishtianu Ronalduni qaytargani zo‘r ish bo‘ldi. Uning mentaliteti yosh futbolchilarniki kabi. Ajoyib transfer.
Krishtianuning o‘zi ham bu yerda unga Ispaniya yoki Italiyadagi kabi oson bo‘lmasligini tushunib turibdi.
APLda ilk navbatda jismoniy tayyorgarlikka urg‘u beriladi. U bu borada biroz qiynalishi mumkin. Uning holatini inobatga olsak, ko‘plab gollar urishini kutyapman.
Krishtianu jamoaga katta ta’sir o‘tkazadi. U dunyoning eng yaxshi futbolchilaridan biri", - deydi Runi.
