12 сентябрь, якшанба куни «Реал Мадрид» ўз уй учрашувини «Сантьяго Бернабеу» стадионида 2020 йил 1 мартдан буён илк марта томошабинлар қаршисида ўтказади.
Мадридликлар тўртинчи турда «Сельта»га қарши баҳс олиб боришади. Учрашув Тошкент вақти билан 00:00да бошланади.
Журналист Серхио Кирантенинг сўзларига кўра, «қаймоқранглилар» стадионни таъмирлаш устида ишлаган кўплаб ходимларига ушбу учрашувга бепул чипталар тақдим этишган.
Учрашувга жами 20 минг мухлис ташриф буюриши мумкин. Эслатиб ўтамиз, «Сантьяго Бернабеу» айни дам реконструкция қилинмоқда.
