Европа Чемпионлар Лигаси-2021/22 мусобақаси бошланишига ҳам саноқли кунлар қолди.

Биз жорий мавсум ЕЧЛда иштирок этадиган жамоалар ҳақида маълумот берамиз.

УЕФА рейтинги (2020/21 якуни): 53

Қандай қилиб етиб келишди: Италияда 2-ўрин

Ўтган мавсум: Европа Лигасида 1/16 финалда мағлубият ("Манчестер Юнайтед", умумий 1:2)

Еврокубоклардаги энг яхши натижаси: Ғолиб (1962/63, 1968/69, 1988/89, 1989/90, 1993/94, 2002/03, 2006/07)

Бош мураббий: Стефано Пиоли

Собиқ ҳимоячи «Милан»да уни танқид қилганлар устидан ўзининг хотиржам ёнадшуви орқали ғалаба қозонди. Етти йиллик танаффусдан кейин яхши натижалар қайд этган «россонерилар» скудеттони ҳам қўлга киритиши мумкин эди.

Асосий ўйинчи: Златан Ибраҳимович

39 ёшли швециялик ҳужумчи ҳали ҳам кучли. У ўтган мавсум Италия чемпионатида 19 ўйинда 15 гол уришдан ташқари, ўзининг етакчилик қобилияти ва майдонда борлиги билан «россонерилар» жамоаси яхшиланишига ёрдам берди. Давиде Калабрия (ўнг қанот ҳимоячи) шундай деган эди: "Златанни кўрасиз ва яхшироқ ўйнайсиз".

Жамоанинг энг катта ёзги хариди: Оливье Жиру

«Милан» ўтган мавсум Златан бўлмаган ўйинларда анча қийинчиликка учради. Энди «Челси»дан ўтган Жирунинг жамоага келиши бундай ҳолат юзага келишини олдини олиши мумкин. Кўпчилик, мана шу икки тажрибали ҳужумчулар биргаликда ажойиб ишларни амалга оширишига ишонишмоқда. Тажриба ва истеъдод албатта уларда мавжуд.

Кўриш керак: Браҳим Диаз

Ҳакан Чалханўглу «Милан»дан кетиб азалий рақиби «Интер»га бориб қўшилганидан кейин, 22 ёшли испаниялик дарҳол 10-рақамни олди. Унинг мақсади қандайлиги кундек равшан. Ўтган мавсум «россонерилар»нинг 39 ўйинида 7 гол уришига қарамасдан жамоада янада муҳим рўл ўйнаш мақсади борлигининг яққол белгиси ҳисобланади.

Биласизми?

ЕЧЛда энг кўп соврин (7) қўлга киритиш бўйича иккинчи ўринда турадиган «Милан» 2014 йилнинг 11 март кунидан бери мусобақада иштирок этмаётганди. Ўшанда клуб «Атлетико»га 4:1 ҳисобида мағлуб бўлганди.